Россиянинг Новосибирск шаҳрида бўлиб ўтаётган «АрМИ—2017» халқаро армия ўйинларида олти мамлакат жамоалари орасида Ўзбекистон разведкачилари иккинчи ўринда кетмоқда, деб хабар берди «Ўзбекистон24».
Россия ОАВларида тарқатилган хабарларга кўра, айни пайтда мусобақада Россия жамоаси пешқадамлик қилмоқда. Ўзбекистондан кейинги поғонани эса Беларусь термаси эгаллаган.
Мусобақанинг биринчи босқичида ҳарбийлар Ми-8 вертолётидан ўрмон ичига десант қилиниб, асбобларсиз керакли йўналишни аниқлаши ва 15 километр масофага тез юриб етиб олишлари керак эди.
«АрМИ—2017» халқаро ўйинлари доирасида бўлиб ўтаётган «Аълочи разведкачилар» беллашувида Ўзбекистон ҳарбийлар жамоаси Арманистон, Беларусь, Зимбабве, Қозоғистон, Хитой ва Россия жамоалари билан беллашмоқда.
Изоҳ (0)