Тел-Авивнинг жанубий қисмида жойлашган Яффо ноҳиясининг араб аҳолиси кўчаларда норозилик намойишлари ўтказди. Бу ҳақда «Газета.ru» хабар бермоқда.
Йнет нашри хабарига кўра, намойиш иштирокчилари Исроил полицияси жиноятда гумон қилинган арабни таъқиб этиб чоғида отиб ўлдирганига норозилик билдирган.
«Ўнлаб намойишчилар автомобиль шиналарини ёқиб, чиқинди контейнерларига ўт қўйди, полиция билан муштлашиб, патруль машиналарининг ойналарини синдирди», — дейилади хабарда.
Шунингдек, намойишчилар Яффонинг марказий кўчаларидан бирида юриш уюштириб, ҳуқуқни ҳимоя қилиш органлари ходимларини тошбўрон қилган.
Исроил полицияси матбуот хизмати тарқатган хабарга кўра, «бир гуруҳ ёшлар, полициячиларга тош улоқтиргани ҳолда, улар билан тўқнашувга киришган».
Матбуот хизматининг алоҳида қайд этишича, уч киши тартибсизликларда иштирок этиш гумони остида қўлга олинган.
Изоҳ (0)