Оқ уй расмий вакили Сара Сандерс брифингда тўққиз ёшли қизча АҚШ президенти Дональд Трампга ёзган хатни ўқиб берди, деб ёзади TJournal. Унинг айтишича, энди бу брифингларда анъанага айланади.
«Бу жараённи бошлаб бериш учун, мен сизга тўққиз ёшли Диланнинг хатини ўқиб бермоқчиман», — деди Сандерс.
«Менинг исмим Дилан Харбен, аммо мени ҳамма «Пикл» (шумтака) деб атайди. Мен тўққиз ёшдаман, ва сиз менинг севимли президентимсиз», — дея у биринчи сатрларни ўқиб берди. Диланга Трамп шунчалик қаттиқ ёқадики, унинг туғилган кунида тортга президентнинг тасвири туширилган эди.
Дилан, шунингдек, президентга бир нечта савол беришни сўраган. У Трамп неча ёшда эканлиги (у 71 ёшда) ва қанча пули борлиги билан қизиққан. «Дилан, мен аниқ билмайман, аммо кўп», — деб жавоб берди АҚШ маъмурияти вакили.
Қизча Оқ уй қай даражада катта эканлиги ҳақида ҳам савол берган. Сандерс Оқ уйда 132 та хона борлигини айтди.
Дилан нима сабабдан одамлар Трампни ёқтирмаслиги юзасидан норозилик билдирди. «Сиз жуда илтифотли одамга ўхшайсиз, балки биз дўст тутинармиз?» — деб сўради у Трампдан. Сандерс «президент у билан дўстлашишдан боши кўкка етиши»ни айтди.
Қизчани Оқ уй бўйлаб экскурсияга ҳам таклиф этишди.
Изоҳ (0)