Анжелина Жоли Брэд Питт билан ажрашуви туфайли келиб чиққан стресс натижасида саломатлиги билан боғлиқ муаммолар юзага келганини айтди, деб ёзади «ТАСС». Хусусан, унга гипертония, шунингдек, юз асаблари фалажлиги ташхиси қўйилган.
«Баъзан оилали аёллар ўзлари ҳақида энг сўнгги навбатда, бу уларнинг саломатлигида ўз аксини топганидан кейингина ўйлай бошлайди», — дея тан олди у. Жолининг сўзларига кўра, юзининг ярмига ўз таъсирини ўтказган асаб фалажлигидан у игна билан даволаш орқали халос бўлган. Ҳозир эса, актриса эътироф этишича, у «ўз ҳаёти ва соғлиғини тўлиқ назорат қилмоқда.
Анжелина Жоли эри билан ажрашгач, ўзига келиш учун болалар ҳақида қайғурган ва уй юмушлари билан банд бўлган. «Тўққиз ой давомида мен шунчаки яхши уй бекаси бўлишга интилдим: итларга қарардим, идиш-товоқларни ювардим ва болаларга уйқу олдидан эртак ўқиб берардим», — деди актриса. Унинг айтишича, болаларининг илтимоси билан у пазандалик курсларига ёзилган.
Изоҳ (0)