Яқинда папарацци Голливуд юлдузи Леонардо Ди Каприони ноодатий «аксессуар» билан биргаликда кадрга муҳрлади, деб ёзади «Фотошедеври».
«Оскар» мукофоти совриндорининг белига оддий полиэтилен пакет боғлаб қўйилган эди. Пластик халта ичида нима борлиги сир бўлиб қолди. У ерда супермаркетдан олинган озиқ-овқатлар бормиди ёки Лео шунчаки уйидан ахлатни ташлаш учун олиб чиққанмиди?
Нима бўлганда ҳам, Ди Каприонинг суратлари интернет бўйлаб тезлик билан тарқалиб кетди. Кимдир уни дидсизликда айблаган бўлса, кимдир аксинча, унинг топағонлиги ва бировлар фикрига беэътиборлигидан завқланди.
Баъзилар эса Леонардонинг суратига ақлли изоҳлар ёзиб қолдирди, хусусан, белига ахлат пакет осиб олган актёрнинг дангасалик даражасига етиш ҳамманинг ҳам қўлидан келмаслиги ҳақида ёзишди.
Ҳатто, фотосуратдан ўз манфаатлари йўлида фойдаланишга уринган эпчил савдогарлар ҳам топилди. Чунончи, бир бутик шу заҳоти Facebook’даги саҳифасида Ди Каприонинг пакетидан яхшироқ кўринадиган 12 та эркаклар сумкаси рўйхатини эълон қилди. Табиийки, бу сумкаларнинг барчасини фақат уларнинг дўконидан сотиб олиш мумкин.
Изоҳ (0)