Икки ҳафта аввал Альп тоғларидаги Маттерхорн чўққисига кўтарилиш чоғида ҳалок бўлган 22 ёшли италиялик альпинист Лука Боргонининг онаси 21 июль, жума куни Турин университетида унинг диплом ишини ҳимоя қилди. Бу ҳақда «РИА Новости» хабар берди.
Биология факультетида таҳсилни якунлаган Боргони июль бошида имтиҳон комиссиясига «Катта баландликда кишининг спорт жиҳатдан фаоллигига лавлаги шарбатининг таъсири» мавзусида диплом ишини топширган, унинг ҳимояси 21 июлга белгиланганди.
Дафн маросимида ўқитувчилар Кристина Жорданадан белгиланган муддатда университетга келиш ва ўғлининг ишини ҳимоя қилишни сўради. Мактабда математика ўқитувчиси бўлиб ишлайдиган аёл бу таклифга ўйлаб ҳам кўрмай рози бўлди.
«Ҳозирда ўзим иккинчи олий маълумотни олишга тайёргарлик кўряпман, бироқ айни пайтда мен учун энг муҳими — ўғлимнинг ўрнида бўлиш», — деди Кристина Жордана журналистларга.
Изоҳ (0)