Di Kapriodan layfxak. Uni belida polietilen paket taqishga nima majbur qildi?

Yaqinda paparatssi Gollivud yulduzi Leonardo Di Kaprioni noodatiy “aksessuar” bilan birgalikda kadrga muhrladi, deb yozadi “Fotoshedevri”.

“Oskar” mukofoti sovrindorining beliga oddiy polietilen paket bog‘lab qo‘yilgan edi. Plastik xalta ichida nima borligi sir bo‘lib qoldi. U yerda supermarketdan olingan oziq-ovqatlar bormidi yoki Leo shunchaki uyidan axlatni tashlash uchun olib chiqqanmidi?

Nima bo‘lganda ham, Di Kaprioning suratlari internet bo‘ylab tezlik bilan tarqalib ketdi. Kimdir uni didsizlikda ayblagan bo‘lsa, kimdir aksincha, uning topag‘onligi va birovlar fikriga bee’tiborligidan zavqlandi.

Ba’zilar esa Leonardoning suratiga aqlli izohlar yozib qoldirdi, xususan, beliga axlat paket osib olgan aktyorning dangasalik darajasiga yetish hammaning ham qo‘lidan kelmasligi haqida yozishdi.

Hatto, fotosuratdan o‘z manfaatlari yo‘lida foydalanishga uringan epchil savdogarlar ham topildi. Chunonchi, bir butik shu zahoti Facebook’dagi sahifasida Di Kaprioning paketidan yaxshiroq ko‘rinadigan 12 ta erkaklar sumkasi ro‘yxatini e’lon qildi. Tabiiyki, bu sumkalarning barchasini faqat ularning do‘konidan sotib olish mumkin.