Бухоро шаҳар ИИБга Жондор туманида яшовчи, 1955 йилда туғилган нафақадаги Р.Ражабова мурожаат қилиб, ўзининг Damas русумли автомашинасидан 1,5 миллион сўм ўғирланганини билдирган, деб хабар берди Бухоро вилояти ИИБ матбуот хизмати.
Нотаниш аёл йўловчи сифатида Damas’га чиққан ва манзилга етганида машинадан тушаётиб салоннинг олд қисмида қора халтада турган 1,5 миллион сўм нақд пулни Ражабовага сездирмасдан ўғирлаб, воқеа жойидан яширинган.
Ички ишлар идоралари ходимлари томонидан олиб борилган тезкор суруштирув тадбирлари давомида ушбу ўғриликни Бухоро тумани, А.Шокиров МФЙ, Урганжихона қишлоғида яшовчи, муқаддам судланган 1976 йилда туғилган Гулчеҳра Тўраева содир қилганлиги шу куннинг ўзида аниқланди ва ундан 1,5 миллион сўм пуллар ашёвий далил сифатида ҳужжатлаштириб олинди.
Мазкур ҳолат юзасидан Гулчеҳра Тўраевага нисбатан Ўзбекистон Республикаси Жиноят Кодексининг 169-моддаси 1-қисми билан жиноят иши қўзғатилди.
Изоҳ (0)