Тошкент вилоятининг маъмурий маркази — Тўйтепа Ўзбекистондаги биринчи «ақлли» шаҳарга айланади. Шаҳарни қайта қуриш лойиҳаси Жанубий кореялик мутахассислар билан биргаликда ишлаб чиқилмоқда, деб хабар берди «Газета.uz».
21 июль, жума куни Ўзбекистон Президенти Шавкат Мирзиёев вилоят бўйлаб ташрифи вақтида Тўйтепанинг бош режаси билан танишди. «Иккинчи Тошкент… Баъзи жойларда шаҳар ҳатто иккинчи Венеция каби кўринишга эга бўлади», — дея президентнинг сўзларидан парча келтиради «Ахборот» кўрсатуви.
Авваллари Тошкент вилоятининг маъмурий маркази йўқ эди. Жорий йилнинг бошида Тошкентдан Тўйтепага вилоят ҳокимияти кўчирилган эди.
Лойиҳада янги технологиялар, эко-шаҳар тизими ҳамда Ўзбекистон анъаналари ҳисобга олинган. Шу билан бирга ҳар бир янги қурилган шаҳарда бўлиши лозим бўлган янгиликлар киритилган. Ушбу шаҳар Ўзбекистондаги биринчи «ақлли шаҳар»га айланади.Шаҳарда маъмурий бинолар, замонавий ҳамда қулай уй-жойлар, бизнес марказлар, меҳмонхоналар, спорт мажмуалари, ёшлар ижод маркази, кутубхоналар, мактаблар, кўп тармоқли шифохоналар қурилади.Алекс Ким Тайхюн, Ўзбекистон Давлат архитектура ва қурилиш қўмитаси раисининг маслаҳатчиси.
Шунингдек, янги боғлар, майдонлар, пиёда ва велосипедда айланиш мумкин бўлган хиёбонлар яратилади. Жамоат транспортининг самарали тизимини жорий қилиш режалаштирилган.
Тўйтепа марказидан сунъий канал оқиб ўтади, унинг атрофи бўйлаб кафелар, дўконлар ва бошқа объектлар қурилади.
Тошкент ва Тўйтепани тезюрар автомобиль йўли бирлаштириб туради. Унинг атрофига ҳам турли объектлар қурилади.
Изоҳ (0)