Шавкат Мирзиёев 21 июль куни Тошкент вилоятига ташрифи чоғида ИИБ, прокуратура органлари ва ҳокимликнинг бир қатор вакиллари ишдан олинди. Бу ҳақда «Ахборот» информацион дастурига таяниб, Uz24 хабар берди.
Тўйтепа шаҳрида жойлашган Тошкент вилояти ҳокимлиги биносида вилоят фаоллари билан ўтказилган йиғилишда давлат раҳбари туманларда бир қанча камчиликлар, жумладан, коммунал соҳалардаги муаммолар тўпланиб қолганига алоҳида эътибор қаратди.
Дастурда таъкидланишича, Оҳангарон туман ҳокими Рустам Убайдуллаев ва Ангрен шаҳар ҳокими Иброҳимжон Раҳмонов, вилоят марказий банки раҳбари, ҳудуддаги соғлиқни сақлаш, солиқ, ички ишлар ва прокуратура тизимдаги бир қатор раҳбар ва ходимлар ўз вазифасидан озод этилди. Бунга уларнинг ўз вазифасига масъулиятсизлиги ва ишга совуққонлик билан қараши сабаб бўлган.
Изоҳ (0)