Наманган вилоятининг Норин туманидаги «Сойбўйи» маҳалласида профилактика инспектори учун хизмат уйи фойдаланишга топширилди. Уй таянч пункти билан ёнма-ён жойлашган. Бу ҳақда «Дарё» мухбири хабар бермоқда.
Майор Отабек Асқаров ички ишлар идораларида салкам 20 йилдан бери ишлайди. 637 та хонадони, 4 мингдан ошиқ аҳолиси бўлган мазкур маҳаллага ўтганига икки йил бўлди. Оилали, икки нафар фарзанди бор. Хизмат жойига эса 14 километр узоқдан, «Қўшчек» маҳалласидан қатнарди.
Туманда жами 29 нафар профилактика инспектори бўлиб, бу йил улардан 13 нафари хизмат уйлари билан таъминланиши кўзда тутилган.
Барча қулайликларга эга бўлган илк хизмат уйини фойдаланишга топшириш маросимида вилоят ИИБ бошлиғи ўринбосари Х. Ҳошимов, вилоят ИИБ ҳуқуқбузарликлар профилактикаси бошқармаси бошлиғи Р.Дўсматов, туман ҳокими Д. Қодиров, нуронийлар, маҳалла фаоллари иштирок этди.
Изоҳ (0)