Андижон вилояти ИИБ ҳамда Балиқчи тумани ИИБ ходимлари томонидан ўтказилган тезкор тадбир давомида жами 42 грамм марихуана гиёҳванд моддасини 175 000 сўмга сотаётган Балиқчи тумани Эски Ҳаққулобод ҚФЙда яшовчи 1985 йилда туғилган фуқаро М. О. қўлга олинди. Бу ҳақда Андижон вилояти ИИБ маълум қилди.
Шунингдек, фуқаро яшаш уйининг омборхонасида 390 грамм марихуана гиёҳванд моддасини ноқонуний сақлаётгани аниқланган. Тадбир давомида жами 432 грамм марихуана гиёҳванд моддаси далилий ашё сифатида олинган.
Ҳозирги вақтда ҳолат юзасидан Балиқчи тумани ИИБ Тергов бўлими томонидан Ўзбекистон Республикаси Жиноят Кодексининг 273-моддаси 5-қисми билан жиноят иши қўзғатилиб, дастлабки тергов ва суриштирув ишлари олиб борилмоқда.
Изоҳ (0)