Тошкент шаҳар ИИББ томонидан маълум қилинишича, 2017 йилнинг 13 июлида Яшнобод тумани ҳудудида Ўзбекистон Республикасининг «Тезкор қидирув фаолияти тўғрисида»ги Қонуни асосида тезкор тадбир ўтказилган.
Тадбир давомида фуқаро Мансур Бегимқулов фуқаро Иноғомовага, ўғлини 8000 АҚШ доллари эвазига «Низомий» номидаги Тошкент давлат педагогика университетининг «Тарих» факультетига ўқишга киритиб қўйишни ваъда қилиб, 4000 АҚШ доллари олаётган вақтда, ИИББ ходимлари томонидан далилий ашё билан қўлга олинган.
Мазкур ҳолат юзасидан Бегимқуловга нисбатан Яшнобод тумани ИИБ ҳузуридаги Тергов бўлими томонидан Жиноят Кодексининг 168-моддаси 1-қисми билан жиноят иши қўзғатилиб, унинг бошқа жиноятларга алоқадорлиги текширилмоқда.
Аввалроқ, худди шу университетнинг Бошланғич таълим ва жисмоний маданият факультети маънавий-маърифий ишлар бўйича декан муовини ўқишга киритиб қўйиш ваъдаси билан пора олаётган вақтда қўлга тушган эди.
Изоҳ (0)