Toshkent shahar IIBB tomonidan ma’lum qilinishicha, 2017-yilning 13-iyulida Yashnobod tumani hududida O‘zbekiston Respublikasining “Tezkor qidiruv faoliyati to‘g‘risida”gi Qonuni asosida tezkor tadbir o‘tkazilgan.
Tadbir davomida fuqaro Mansur Begimqulov fuqaro Inog‘omovaga, o‘g‘lini 8000 AQSh dollari evaziga “Nizomiy” nomidagi Toshkent davlat pedagogika universitetining “Tarix” fakultetiga o‘qishga kiritib qo‘yishni va’da qilib, 4000 AQSh dollari olayotgan vaqtda, IIBB xodimlari tomonidan daliliy ashyo bilan qo‘lga olingan.
Mazkur holat yuzasidan Begimqulovga nisbatan Yashnobod tumani IIB huzuridagi Tergov bo‘limi tomonidan Jinoyat Kodeksining 168-moddasi 1-qismi bilan jinoyat ishi qo‘zg‘atilib, uning boshqa jinoyatlarga aloqadorligi tekshirilmoqda.
Avvalroq, xuddi shu universitetning Boshlang‘ich ta’lim va jismoniy madaniyat fakulteti ma’naviy-ma’rifiy ishlar bo‘yicha dekan muovini o‘qishga kiritib qo‘yish va’dasi bilan pora olayotgan vaqtda qo‘lga tushgan edi.
Izoh (0)