Европанинг кучли бешлик миллий чемпионатларида иштирок этувчи жамоалар бир қатор шов-шувли харидларни амалга оширишда давом этмоқда.
«Championat.asia» нашри барчанинг диққат марказида турган 5 та трансферни ёдга олиб ўтди.
Неймар
«Барселона» — «ПСЖ
Парижликлар «Барселона» Неймарни сотишга рози бўлмаслигини яхши билади. Шу боисдан улар футболчининг кўтарма нархини тўлашга тайёр бўлиб турибди. Агар каталонияликлар ҳисоб рақамига 222 миллион ўтказиб берилса, бунда «Барселона» ҳеч нарса қила олмаслиги мумкин. Неймарнинг ўзи шунга рози бўлса бас. Ахир қачонгача Мессининг соясида юриши керак?
Иван Перишич
«Интер» — «Манчестер Юнайтед»
«Интер» хорватиялик учун яхшигина пул — 48 миллион ва қўшимчасига Антони Марсьялни сўраётгани айтилган. «Юнайтед» Иванни қўлга кирица, трансфер бозоридаги фаоллигини бемалол пасайтирса бўлади, бундай таркиб АПЛ чемпионлиги учун кураша олади.
Риёд Маҳрез
«Лестер» — «Рома», «Арсенал», «Тоттенҳэм»
«Тулкилар»нинг сенсацион чемпионлигида катта рол ўйнаган футболчи билан бир неча йиллардан буён олтин медалларни қўлга кирита олмайдиган уч клуб қизиқиб турибди. Маҳрезнинг боши қотиб қолган...
Марко Вератти
«ПСЖ» — «Барселона», «Манчестер Юнайтед»
Парижликлар Вераттини қўйиб юбормаслик учун барча чорани ишга солмоқда. «Барселона» уни қўлга киритиш учун барча чорани ишга солиб турибди. Шу кетишда Моуриньо футболчини илиб кетса ажаб эмас.
Бенжамин Менди
«Монако» — «Манчестер Сити»
Хосеп Гвардиолага Чемпионлар лигасида «Монако»дан мағлуб бўлгани қаттиқ таъсир қилган чоғи, асосан шу клуб футболчиларини сотиб олиш пайига тушиб қолди. Аммо у ҳозирча энг асосий номларни қўлга киритганича йўқ.
Изоҳ (0)