Yevropaning kuchli beshlik milliy chempionatlarida ishtirok etuvchi jamoalar bir qator shov-shuvli xaridlarni amalga oshirishda davom etmoqda.
“Championat.asia” nashri barchaning diqqat markazida turgan 5 ta transferni yodga olib o‘tdi.
Neymar
“Barselona” — “PSJ
Parijliklar “Barselona” Neymarni sotishga rozi bo‘lmasligini yaxshi biladi. Shu boisdan ular futbolchining ko‘tarma narxini to‘lashga tayyor bo‘lib turibdi. Agar kataloniyaliklar hisob raqamiga 222 million o‘tkazib berilsa, bunda “Barselona” hech narsa qila olmasligi mumkin. Neymarning o‘zi shunga rozi bo‘lsa bas. Axir qachongacha Messining soyasida yurishi kerak?
Ivan Perishich
“Inter” — “Manchester Yunayted”
“Inter” xorvatiyalik uchun yaxshigina pul — 48 million va qo‘shimchasiga Antoni Marsyalni so‘rayotgani aytilgan. “Yunayted” Ivanni qo‘lga kiritsa, transfer bozoridagi faolligini bemalol pasaytirsa bo‘ladi, bunday tarkib APL chempionligi uchun kurasha oladi.
Riyod Mahrez
“Lester” — “Roma”, “Arsenal”, “Tottenhem”
“Tulkilar”ning sensatsion chempionligida katta rol o‘ynagan futbolchi bilan bir necha yillardan buyon oltin medallarni qo‘lga kirita olmaydigan uch klub qiziqib turibdi. Mahrezning boshi qotib qolgan...
Marko Veratti
“PSJ” — “Barselona”, “Manchester Yunayted”
Parijliklar Verattini qo‘yib yubormaslik uchun barcha chorani ishga solmoqda. “Barselona” uni qo‘lga kiritish uchun barcha chorani ishga solib turibdi. Shu ketishda Mourinyo futbolchini ilib ketsa ajab emas.
Benjamin Mendi
“Monako” — “Manchester Siti”
Xosep Gvardiolaga Chempionlar ligasida “Monako”dan mag‘lub bo‘lgani qattiq ta’sir qilgan chog‘i, asosan shu klub futbolchilarini sotib olish payiga tushib qoldi. Ammo u hozircha eng asosiy nomlarni qo‘lga kiritganicha yo‘q.
Izoh (0)