The Boring Company АҚШ расмийларидан Нью-Йорк ва Вашингтон ўртасида Hyperloop деб номланган ўта тезкор туннель қурилишига рухсат олди. Бу ҳақда Илон Маск ўзининг Twitter’даги саҳифасида маълум қилди, дея хабар беради «ТАСС».
«Ҳукуматнинг The Boring Company томонидан Нью-Йорк — Филадельфия — Балтимор — Вашингтон ерости йўналишини қуриш тўғрисидаги оғзаки ижозатини олдим. Йўналиш бир шаҳар марказидан иккинчи шаҳар марказига уланади. Улардан ҳар бирида кириш ва чиқиш учун 10 га яқин лифт бўлади», — дея ёзув қолдирди SpaceX ва Tesla Motors компаниялари раҳбари.
Илон Макс ерости туннелида ҳаракатландиган ўта тезкор поезд лойиҳасини 2013 йилда эълон қилганди. Бундай поездлар соатига 1000 ва ҳатто ундан ортиқ тезликка эришиши мумкин.
Изоҳ (0)