Қоратошдаги MediaPark’да 7 июль куни Ўзбекистонда ишлаб чиқарилаётган Samsung SmartTV телевизорларининг 5 ва 6-сериялари тақдимоти бўлиб ўтди.
SmartTV нима? У ҳам телевизор, лекин ақлли — бу телевизор орқали нафақат телеканалларни томоша қилиш, балки интернетга уланиш, ижтимоий тармоқларда дўстлар билан суҳбатлашиш, ўйинлар ўйнаш мумкин. Имкониятлари жиҳатдан компьютер ва смартфонга яқин мазкур қурилма учун махсус ишлаб чиқилган дастурлар вақтни чоғ ўтказиш, зарур ахборотни олиш ва маълумотларни узатиш имконини беради. Ва бу ҳали SmartTV’нинг барча имкониятлари эмас.
Телевизорлар тақдимотида иштирок этган Samsung Electronics’нинг Ўзбекистондаги ваколатхонаси раҳбари Шин Вун Миннинг алоҳида таъкидлашича, «SmartTV бугун ҳар бир хонадонда бўлиши зарур анжомдир».
«SmartTV қандайдир мураккаб нарса, деб ўйламаслик лозим. Ўз навбатида, телевизорга шунчаки телеканалларни кўрсатиб берувчи қурилма сифатида муносабатда бўлиш даври ҳам ўтди. Атиги 10 йил аввал мобил телефонлар бор-йўғи алоқа воситаси эди, ҳозир эса ҳаётимизнинг ажралмас қисмига айланган алоқадан бошқа ҳам ҳар турли вазифаларни бажара оладиган ишчи қуролдир. SmartTV ҳам шундай — у сизга исталган вақтда сиз хоҳлаган нарсани кўриш ва ўқиш имконини беради», — дейди жаноб Мин.
Дарҳақиқат, Samsung SmartTV’нинг интерфейси ҳар бир нуқтасигача ўйлаб ишланган бўлиб, оддий мобил телефоннинг исталган фойдаланувчиси ҳеч бир қийинчиликсиз бу ақлли телевизорни бошқариши мумкин. Хусусан, Samsung-Smart функцияси ёрдамида бевосита видео кўриш вақтида Facebook ёки бошқа бир мессенжер воситасида дўстлар билан мулоқот қилиш мумкин.
Беш йилдан бери Artel билан ҳамкорлик қилаётган Samsung Electronics 2016 йилдан бошлаб Ўзбекистонда телевизорлар ишлаб чиқаришни йўлга қўйган. Бу йилдан Тошкентдаги собиқ «Ташселмаш» заводи ўрнидаги ишлаб чиқариш қувватларида 5- ва 6-серия Samsung SmartTV телевизорлари тайёрланмоқда.
5-серия телевизорлари 43, 49 ва 55 диагоналларда ишлаб чиқарилаётган бўлса, 6-серия ҳозирча фақат 55 диагоналли талқини билан кифояланган. Қайд этишларича, корейс технологияси асосида ишлаб чиқарилган телевизорлар сифати Samsung’нинг Кореядаги бош офиси томонидан қатъий назорат қилинади, ходимлар эса мунтазам равишда Кореяда малака ошириб қайтади.
Бундан ташқари, Ўзбекистонда ишлаб чиқарилган Samsung SmartTV телевизорларига аввалбошдан АллPlay дастури ўрнатилган бўлиб, мазкур дастур ёрдамида харидорлар «Player.uz», «AllMovies.uz» сервислари ва HD форматдаги IPTV телеканалларидан бир йил давомида бепул фойдаланишлари мумкин.
Ақлли ва замонавий ушбу телевизорлар MediaPark тармоғида диагоналлари ва бошқа кўрсаткичлардаги фарқларига кўра 5,5 миллион сўмдан 10 миллион сўмгача бўлган нархларда сотилмоқда. Samsung Electronics вакилларининг маълум қилишича, янги телевизорларни қулай шартлар асосида кредитга ҳам олиш мумкин.
Ўзбекистон учун техник ўсиш ва маҳаллий бозорнинг сифатли маҳсулот билан тўлдирилиши рамзи ҳисобланган Samsung SmartTV телевизорлари хонадонингиздаги барча ёш вакилларига мос қулай ҳам қизиқарли қурилма бўлишига шубҳа йўқ!
Реклама ҳуқуқи асосида
Изоҳ (0)