Дубай йўл ва транспорт бошқармаси Хитойнинг дронлар ишлаб чиқарувчи EHANG компанияси билан ҳамкорликда Дубай фуқаролик авиация бошқармаси полигонида учар таксини синовдан ўтказди, деб ёзади UAE Inside.
EHANG компанияси YouTube’га жойлаган видеода автоном ҳаво транспорти воситасини Бурж-Халифанинг ёнгинасида, шунингдек, Skydive Dubai чўл кампусида кўриш мумкин.
Дроннинг узунлиги 3,9 м, кенглиги 4,02 м, баландлиги 1,60 м бўлиб, унинг оғирлиги йўловчилар билан бирга 360 килограммни ташкил этади ва у 3000 метргача баландликда парвоз қила олади. Баъзи манбаларга кўра, йўловчилар ўз парвозлари жараёнини сенсорли экранда кузатиб бориши мумкин бўлади.
Хавфсизлик тизими парвоз чоғида бирорта носозлик юз берган тақдирда, самолётнинг энг яқин жойга қўнишига имкон яратади.
Изоҳ (0)