Саудия Арабистонида мини-юбкада сайр қилгани учун ҳибсга олинган қиз қўйиб юборилди

Саудия Арабистонида Ушайкир тарихий фортида калта юбкада сайр қилгани учун ҳибсга олинган модель Хулуд қўйиб юборилди. Бу ҳақда, Time газетасига асосланиб, «Газета.ru» хабар бермоқда.

Полиция қизни бир неча соат сўроқ қилганидан сўнг 19 июль кечки соатларида қўйиб юборилган.

Модель калта юбкада тарихий фортда айланиб, бу акс этган видеони ижтимоий тармоқларга жойлаштирган эди. Видео ижтимоий тармоқларда кескин баҳсларга сабаб бўлди. Айримлар қизни исломий қоидаларни бузгани учун қамашга чақирса, бошқалар қизнинг жасоратини таъкидлаб ўтди.

Саудия Арабистонида аёллар бошини ўраб юриши ҳамда абая номли узун кўйлак кийиб юриши мажбурийдир.