Нидерландия полицияси маҳбусларни фош қилинмаган ишлар тафтишига жалб этиш бўйича дастурни эълон қилди. Гап биринчи галда бедарак кетишлар ва қотилликлар ҳақида бормоқда, деб аниқлаштиради Meduza.
Бунинг учун Нидерландия қамоқхоналаридаги маҳбусларга махсус тақвимлар тарқатилади. Уларда ҳар ҳафта битта фош этилмаган жиноят ҳақида ҳикоя қилинади.
Бу ишларнинг тафсилотларини билган ва айни пайтда турли собиқ ва амалдаги маҳбуслардан ҳар хил ҳикоялар эшитган кишилар бу ахборотни таҳлил қилиб, хулосаларини полиция билан бўлишиши тахмин қилинмоқда. Жиноятнинг фош этилишига олиб келадиган ахборот учун маҳбусларга 800 минг евро миқдорида мукофот пули берилади.
Полициячилар ахборот берувчилар шахсининг тўла сир сақланишига кафолат бермоқда. Бундан ташқари, Нидерландия қонунчилиги жиноят ҳақидаги ахборот яшириш учун жавобгарликни назарда тутмайди. Яъни, қотиллик гувоҳи бўлган одам буни турли сабабларга кўра ҳуқуқ-тартибот идораларига етказмаса ва орадан кўп йиллар ўтиб маълум қилса, унга нисбатан ҳеч қандай жахо чоралари кўрилмайди.
Изоҳ (0)