Анқара Берлинга Туркияда қўлга олинган журналист Дениз Юджелни бир йил аввалги давлат тўнтаришида иштирок этгани гумон қилинаётган ва Германияга қочиб кетган икки нафар собиқ турк генералига алмашишни таклиф қилди. Бу ҳақда Bild газетасига таяниб, «ТАСС» хабар берди.
Газета маълумотларига кўра, Туркия президенти Ражаб Тоййиб Эрдўғон бир неча ҳафта олдин шундай таклиф билан чиққан. Германия ташқи ишлар вазирлиги вакилининг қайд этишича, Берлин бундай алмашувга рози бўла олмайди.
Туркияда ҳаммаси бўлиб, бир йил ичида давлат тўнтаришига уринишда иштирок этганликда гумонланиб, Германиянинг 22 нафар фуқароси қўлга олинган. Улардан тўққизтаси ҳанузгача озодликдан маҳрум қилиш жойларидан сақланмоқда. Нашрнинг қайд этишича, немис дипломатлари Анқара қўлга олинганлардан гаров сифатида фойдаланаётганига ишонч билдирмоқда.
Изоҳ (0)