Россиянинг Ульяновск шаҳрида икки ёшли қизча бир неча кунни уйда марҳум бувиси билан бирга ўтказди, деб ёзади «РИА Новости». Ҳодиса юзасидан текширув олиб борилмоқда.
Ҳудуд прокурори ёрдамчиси Василий Зима маълумотларига кўра, икки ёшли болани ёлғиз она тарбиялаган. У ишлаш учун Туркияга кетган ва қизини бувисига қолдирган. Аммо тахминан 17 июль куни кекса кампир вафот этган. Чет элдаги аёл у билан боғлана олмаган ва уйга қайтишга қарор қилган, у ерда эса ўлик онасини ва стресс ҳолатидаги қизини топган.
Шу билан биргаликда, Ульяновск вилояти губернатори Сергей Морозов демографик кенгашда маълум қилишича, жабрланувчи қизча уч ёшда бўлган ва у ўлик бувиси билан бирга беш кун яшаган. Бундан ташқари, унинг ахборотига кўра, боланинг онаси Туркияга ишлашга эмас, дам олишга кетган.
Изоҳ (0)