Хитой расмийлари 2017 йилнинг 6 ойи мобайнида турли мавқедаги 210 минг мансабдорни ноқонуний қилмишлари ва интизомга риоя этмаганлиги учун жазолади. Бу ҳақда мамлакат Коммунистлар партияси интизомни текшириш марказий комиссияси ҳисоботида маълум қилинди, деб хабар беради «РИА Новости».
Мазкур муддат мобайнида аксилкоррупциявий идоралар томонидан 1,31 миллион ариза қабул қилинди. Интизомий қонуний бузилишлари бўйича 260 мингта иш қўзғалди. 210 минг кишига нисбатан жазо қўлланди, улардан 176 мингги буни партия йўналишида олди.
Жазоланганлар орасида турли вазирликлар ва вилоят маъмуриятларининг 38 нафар юқори мартабали амалдори, шунингдек, давлат муассасаларининг мингга яқин бошқарувчиси бўлгани билдирилмоқда.
Изоҳ (0)