Ўзбекистон банклари GM Uzbekistan автомобиллари учун автокредитлар тақдим этишни тўхтатди. Бу ҳақда Uz24 нашри хабар берди.
«Афсуски барча кредит линиялари қайта молиялаш ставкасининг ошиши ҳисобига ёпилди», — дея «Асака» банк оператори маълумотни тасдиқлаган.
«Автокредитларни тақдим этиш ростдан ҳам вақтинча тўхтатилди», — дейди «Алоқабанк» ходими.
«Биз фақат иккиламчи бозордаги автомобиллар учун кредит бермоқдамиз. Бирламчи бозор ҳозирча ёпиқ. Қанча муддатга ёпиқлиги ҳам номаълум», — деди «Капиталбанк» ишчиси.
«Автомобиллар учун кредитлар бермаяпмиз. Кредитлаштириш ёпилди. Яна қачон очилиши номаълум», — дея тасдиқлади «Трастбанк» ходими.
Маълумот учун, автомобиль сотиб олиш учун кредитлар жорий йилнинг 1 июнидан бошлаб берилаётган, ҳар бир банкда кредит тақдим этиш шартлари турлича эди. GM Uzbekistan’нинг нашрга маълум қилишича, компания банкларнинг кредит сиёсатига ҳеч қандай таъсир ўтказмайди.
Изоҳ (0)