O‘zbekiston banklari GM Uzbekistan avtomobillari uchun avtokreditlar taqdim etishni to‘xtatdi. Bu haqda Uz24 nashri xabar berdi.
“Afsuski barcha kredit liniyalari qayta moliyalash stavkasining oshishi hisobiga yopildi”, — deya “Asaka” bank operatori ma’lumotni tasdiqlagan.
“Avtokreditlarni taqdim etish rostdan ham vaqtincha to‘xtatildi”, — deydi “Aloqabank” xodimi.
“Biz faqat ikkilamchi bozordagi avtomobillar uchun kredit bermoqdamiz. Birlamchi bozor hozircha yopiq. Qancha muddatga yopiqligi ham noma’lum”, — dedi “Kapitalbank” ishchisi.
“Avtomobillar uchun kreditlar bermayapmiz. Kreditlashtirish yopildi. Yana qachon ochilishi noma’lum”, — deya tasdiqladi “Trastbank” xodimi.
Ma’lumot uchun, avtomobil sotib olish uchun kreditlar joriy yilning 1-iyunidan boshlab berilayotgan, har bir bankda kredit taqdim etish shartlari turlicha edi. GM Uzbekistan’ning nashrga ma’lum qilishicha, kompaniya banklarning kredit siyosatiga hech qanday ta’sir o‘tkazmaydi.
Izoh (0)