АҚШ Сенатидаги республикачиларга Obamacare’ни янгилаш тугул, ҳатто бекор қилиш учун овозлар етмаслиги маълум бўлди. Бу ҳақда «Интерфакс» хабар бермоқда.
Республикачи сенаторлардан камида уч нафари — Сьюзен Коллинс, Шелли Мур Капито ва Лиза Мурковски мижозларни ҳимоя қилиш ва ҳаммабоп тиббий ёрдам тўғрисидаги қонун (АCА, Obamacare’нинг расмий номи) бекор қилинишини маъқулламасликларини маълум қилди.
Сенатдаги 48 нафар демократнинг барчаси Obamacare бекор қилиниши ва ўзгартирилишига қарши чиқмоқда. Шу сабабли республикачилар мазкур масалада якдил бўлгандагина кўзланган мақсадга эришиши мумкин.
Овозлар тенг келган тақдирда вице-президент Майк Пенсда ҳал қилувчи овоз ҳуқуқи бор. Буни инобатга олганда республикачиларга 52 сенаторларидан 50 нафарининг овози ҳам етарди, бироқ ҳозир шу ҳам йўқ.
Изоҳ (0)