Англиянинг Уорик университети когнитивист психологлари одамлар сохта суратларни қай даражада фарқлай олишини ўрганди, деб ёзади The Washington Post.
Мутахассислар 700 минг кишига турли расмларни кўрсатиб, уларнинг қайсилари фоторедактор ёрдамида сохталаштирилганини топишни таклиф қилди. 60 фоиз ҳолатлардагина сўров иштирокчилари қалбаки фотосуратларни ажрата олди.
Тўғри топганларнинг 45 фоизигина фотосуратнинг нимаси шубҳали эканлигини тушунтириб бера олган. Шу билан бирга, эркаклар деталларни яхшироқ пайқаган.
Тадқиқотчи Софи Найтингейл таъкидлашича, тажриба натижалари жуда ибратли бўлиб, хавотирга тушиш учун асосларга эга.
«Фотосуратлар — жуда қудратли восита. Улар бизнинг дунёни қандай кўришимизга таъсир ўтказади. Улар ҳаттоки бизнинг буюмлар ҳақидаги хотираларимизга ҳам таъсир қилади. Агар биз уларнинг қайси бири сохта эканлигини фарқлай олмасак, қалбаки суратлар ҳам фавқулодда кучга эга бўлади», — дея аниқлик киритди олим.
Изоҳ (0)