Июль — Жанубий ярим шардаги иккинчи қиш ойи ва Чили пойтахти Сантьягодаги энг совуқ ой, аммо бу ерда ҳаво ҳарорати доим мусбат ҳолатда сақланган. 2017 йил истисноли бўлди: 15 июль куни ҳарорат 3 даража совуққа тушиб кетди, бу меъёрдан 12 даража паст демакдир, тушган қор эса бир неча кун давомида сақланиб турди. Бу ҳақда National Geographic хабар бермоқда.
Метеорологлар маълумотларига кўра, бу нафақат ўтган ўн йилликдаги биринчи қор бўлди, балки 46 йил ичидаги энг кучлиси ҳам бўлди. Шаҳарнинг баъзи туманларида қор қатламининг баландлиги 40 сантиментрга етди, автотранспорт ҳаракати жиддий қийинчиликка учради.
Айни пайтга қадар икки нафар маҳаллий фуқаро шикастлангани ва яна бир киши ҳалок бўлгани маълум: касалхона соқчиси муассасанинг кириш қисмини тозалашга уриниб, қорнинг оғирлигидан узилиб кетган симларга тегиб кетди ва уни ток урди.
330 мингга яқин одам электр таъминотисиз қолди, аммо қор Чили пойтахти учун ҳақиқатда ноёб ҳодиса бўлгани сабабли, аҳолининг кўпчилиги «сеҳрли муҳит»дан завқланиб, қородамлар ясади.
Изоҳ (0)