Японияда бир асрлик юбилейидан сўнг ҳам фаолиятини тўхтатмаган шифокор Сигэаки Хинохара Токиода 106 ёшида вафот этди. Бу ҳақда «РИА Новости» хабар бермоқда.
Хинохара авлиё Лука халқаро клиникаси бош шифокори ва директорлар кенгаши раиси эди. У 90 ёшида ёзилган ва 1,2 миллион нусхада чоп этилган «Яшаш» илми китобидан сўнг айниқса машҳур бўлиб кетди.
Сигэаки Хинохара 88 ёшида мюзикл учун сценарий ёзди ва унда ўзи рол ижро этди. 90 ёшида эса орзусини амалга оширди ва оркестр дирижёрлиги пультини бошқарди.
У ўтган йил кузда 105 ёшини тантанали нишонлаб, меҳмонлар билан Тайванга сайёҳатга йўл олганди.
Изоҳ (0)