«ВКонтакте» ижтимоий тармоғидаги «ўлим гуруҳи» маъмури Филипп Будейкин сургун колониясида 3 йил-у 4 ой ҳибсга маҳкум этилди, деб ёзади «Вести.ru» Тюмень вилоятининг Тоболь туман суди қарорига таяниб.
«Иш жиноят содир этилган жой бўйича кўриб чиқилди. Ўз айбини у тан олди, қилган ишидан пушаймон бўлди», — деди Санкт-Петербург шаҳар суди матбуот котиби Дарья Лебедева.
Тергов маълумотларига кўра, 2016 йилнинг апрель—майида Будейкин «ВКонтакте»даги вояга етмаганларни ўз жонига қасд қилишга чақирган. Хусусан, у Тюмень вилоятида истиқомат қилувчи, 2000 йилда туғилган қизнинг ўз жонига қасд қилишига сабабчи бўлган, аммо шифокорлар унинг ҳаётини сақлаб қолган. Бундан ташқари, Астраханда яшайдиган 15 ёшли қизни ўз ҳаётига нуқта қўйишга кўндиришга уринган, хайрият, полициячилар ўқувчи қизни бу йўлдан қайтаришга муваффақ бўлган.
Изоҳ (0)