Хитой ижтимоий тармоқларида Винни-Пух ҳақида ёзиш тақиқланди

Хитой ижтимоий тармоқларида Винни-Пух тилга олинган постлар блок қилина бошланди, дея хабар бермоқда Meduza.

A bear, however hard he tries, Falls foul of Chinese censors' eyes https://t.co/ToOCHHZT7I pic.twitter.com/8H9ITqIc1M

— Financial Times (@FT) July 16, 2017

The Financial Times маълумотларига кўра, Винни-Пух тилга олинган қайдлар «Хитой твиттери» деб аталадиган Sina Weibo сервисидан, шунингдек, WeChat мессенжеридаги ёзишмалардан йўқолиб қолишни бошлаган.

Хитой ҳукумати ушбу тақиқнинг жорий этилиши сабаблари ҳақида расмий ахборот бермаган.

Хитой ижтимоий тармоқларида мамлакат раҳбари Си Цзиньпинни Винни-Пухга қиёслаш билан боғлиқ оммавий одат мазкур тақиққа сабаб бўлган бўлиши мумкин.

Хитойда Винни-Пух тилга олинган постларни блок қилиш ҳолати бундан аввал ҳам кузатилган. Хусусан, 2016 йили ҳам шундай блок қилиш ҳолатлари ҳақида хабарлар берилган эди.

«Чегара билмас мухбирлар» ташкилотининг 2017 йилги матбуот эркинлиги индексида Хитой 176-ўринни эгаллаган эди.