Тадбиркор, блогер, унумдорлик ва прокрастинация (ишларни кейинга қолдириш) ҳақидаги подкастлар муаллифи Дариус Форо кишига ўзини мунтазам машқ қилишга ўргатишда ёрдам берувчи бир нечта маслаҳатлари билан бўлишди.
Сабаб топинг
Агар сиз ҳар куни спорт билан шуғулланмоқчи бўлсангиз, аммо сизда аниқ мотивация бўлмаса, сиз тез орада машғулотларни ташлаб қўясиз. Ўзингиз учун қандайдир сабаб топинг ва у ҳақда унутманг.Ҳар куни бир хил вақтда шуғулланинг
Спорт учун ҳафта кунларини танлашда доимий иккиланишлар келиб чиқмаслиги учун ҳар куни шуғулланинг. Энди фақат ўзингиз учун мос вақт топиш қолди, холос. Ким учундир барвақт туриш қулайроқ, кимдир, аксинча, ишдан кейин шуғулланади. Бу одат тусига кириши учун доимо бир хил вақтда шуғулланинг.Паст жадалликда машқ қилинг
Унутманг, сиз Олимпиадада олтин медаль олиш учун эмас, ўз ҳаётингиз сифатини яхшилаш учун спорт билан шуғулланяпсиз. Ҳар куни паст жадаллик (интенсивлик) билан машқ қилсангиз ҳам, қоматингизни бемалол формада тута оласиз. Бунда одатда ҳеч бўлмаганда сизни бироз тер тўкишга мажбур қиладиган 30 дақиқалик машғулот назарда тутилмоқда.Аста-секинлик билан чидамлилик ва кучни шакллантиринг
Мўътадиллик билан шуғулланиб, аста-секинлик билан куч ва чидамлиликни шакллантириш анча самаралироқдир. Албатта, бу кунига ярим соат пиёда юриш керак, холос — дегани эмас. Шунчаки киши ўз организмини билиши ва шошмаслиги керак.Машғулотлар жадаллигини ҳар ҳафта аста-секин оширинг. Унутманг, сиз ҳар куни шуғулланяпсиз, демак, барибир кучлироқ ва хушбичимроқ бўлиб борасиз.
Тўғри овқатланинг
Деярли ҳар куни янги турдаги парҳезлар пайдо бўлади, аммо уларнинг барчасига ҳам ишониш керак эмас. Шунчаки, соғлом ақлга таянинг. Ёғли ва ширали нарсаларни жуда кўп еманг. Шунингдек, қуйидаги тамойиллар ҳақида унутманг:- кунига қанча калория «ёқаётганингизни» билинг;
- кунига қанча калория қабул қилаётганингизни билинг (буни MyFitnessPal каби дастурлар орқали кузатиш мумкин);
- яхши ва ёмон калориялар ўртасидаги фарқни билинг;
- ўзингиз «ёқишингиз» мумкин бўлган калориядан кўп калорияни қабул қилманг.
Ўзингизга ҳафтада бир кун дам беринг
Вақти-вақти билан дам олиш керак. Баъзан эса — музқаймоқ ёки гамбургер ейиш ҳам керак, чунки бу — ёқимли. Асосийси, бу одат тусига кирмасин, акс ҳолда, барча ҳаракатларингиз беҳуда кетади.Ўз прогрессингизни қайд этиб боринг
Прогрессни жадвал ёки дастурда қайд этиб боринг. Муваффақиятларингизнинг кўргазмали акс этиши сизга мотивация беради.Ҳар куни машқ қилишга интилинг. Ўртача олганда, одамлар ҳафтасига уч кун шуғулланади. Жами бу йилига 156 кун бўлади. Ҳафтасига бир кунни қолдирсангиз ҳам, сиз йилига 312 кун машқ қиласиз, бу эса ўртача меъёрдан икки марта кўпроқ демакдир.
Манба: «Лайфхакер»
Изоҳ (0)