Ақл ўткирлигини сақлаб туришга ёрдам берувчи 6 та кундалик одат

Мия ҳам одамнинг мушаклари сингари доимий равишда машқ қилишни талаб қилади. Ақлни фаол ҳолатда тутиб туришнинг жиддий куч сарфлашни талаб қилмайдиган белгиланган усуллари мавжуд.

Қуйидаги ҳаракатларни мунтазам равишда бажариш мия фаолиятининг активлигини узоқ вақт сақлаб қолишга ёрдам беради.

1. Классик мусиқа эшитинг

Олимлар томонидан ҳар куни классик мусиқа эшитиш нафақат стрессни пасайтириши, балки ақлий қобилиятни ҳам ошириши аниқланган.

2. Дунё тўғрисида бирор-бир янгиликни ўрганинг

Бир кунда ярим соат вақтингизни энциклопедиялар, луғат, бадиий ёки илмий адабиётлар, билим орттирувчи журналлар ёки сайтларга бағишланг. Ҳар куни дунё тўғрисида бир неча янги ва қизиқарли воқеаларни эслаб қолиш нафақат билимингизни оширади, балки ақлни фаол ҳолда тутиб туришга ҳам ёрдам беради.

3. Қаддингизни тўғри тутинг

Қоматни ростлаш қон айланишини яхшилайди, бу эса ўз навбатида ҳавонинг мияга яхши етиб боришини таъминлайди.

4. Медитация қилинг

Кўпчилик тадқиқотлар ҳар куни медитацияни амалга ошириш ақлни чиниқтиришга, диққатни бир жойга тўплашни оширишга ва хотирани яхшилашга ёрдам беришини тасдиқлайди. Медитация ёрдамида диққатни бир жойга тўплаш мияда физиологик ўзгаришларни юзага келтиради.

              5. Жисмоний машқлар бажаринг

Машқлар мияга қон боришини тезлаштиради, бу эса янги нейронлар ва улар орасидаги алоқалар пайдо бўлишига ёрдам беради. Ҳар куни эрталаб югуриш, спорт залига қатнаш, ҳатто бироз сайр қилиш — буларнинг ҳаммаси мия фаолиятини яхшилайди.

              6. Кулинг

Кулгу ҳамма ҳаёт қийинчиликларига қарши ҳар ёқлама қурол ҳисобланади. Шунингдек, у мияни машқ қилдирувчи ажойиб восита ҳамдир.

Манба: Men’s Health