Деменция қариликнинг муқаррар қисми ҳисобланади. Лекин унинг кўпчилик белгиларини бартараф қилиш ёки камайтириш мумкин. Келгусида соғлом ақл ва мустаҳкам хотира билан яшаш учун бу чораларни ҳозирданоқ қўллаш лозим.
Фото: «Medikforum.ru»
Чекишни ташланг
Альцгеймерлар халқаро федерацияси маълумотларига қараганда, чекувчиларда ақли заифликнинг ривожланишига мойиллик чекмайдиганларга қараганда 45% кўпроқ бўлар экан. Шуниси қувонарлики, ҳатто тажрибали чекувчилар ҳам бу зарарли одатни ташлаш билан соғлом қарилик имкониятларини оширишлари мумкин экан.
Камроқ ичинг
Спиртли ичимликлар истеъмол қилишни камайтириш ҳам чекиш каби қариликдаги ақли заифлик хавфини камайтиради. Кўп ичиш гипертония касаллигининг ривожланиш хавфини ҳам оширади.
Фаол бўлинг
Жисмоний фаоллик ҳам келажакда ўз меваларини беради. Лекин, айниқса оёқларни ҳаракатлантиришга асосланган машқлар фойдали ҳисобланади. Бунга турли хил рақслар, велосипедда юриш киради.
Тўғри овқатланинг
Деменция билан курашиш учун Ўртаер денгизи парҳези жуда мос келади. У кўп миқдорда сабзавотлар, мевалар, зайтун ёғи, донли маҳсулотлар, қизил гўштни кам миқдорда, вино ва сут маҳсулотларини меъёрида истеъмол қилишни ўз ичига олади.
Тўйиб ухланг
Калифорния университети маълумотларига кўра, кам ва ёмон ухлайдиган кишилар кўпроқ Альцгеймер касаллигига дучор бўлишади. Бунинг сабаби шундаки, уларда бу касалликни келтириб чиқарувчи модда — бета-амилоид концентрацияси юқори бўлади.
Янги тил ўрганинг
Тил ўрганиш мияда янги нейронли алоқаларни шакллантиради, яъни умуман унинг ҳолатини яхшилайди. Афсуски, ёш ўтиши билан билимларни эгаллаш қийинлаша бошлайди. Лекин ҳатто бошқотирмалар ечиш, масалан кроссвордлар ёки судоку мияни ишлашга ва янги сўзларни ёдлашга мажбур қилиш орқали қариликдаги ақли заифлик хавфини камайтиришга ёрдам беради.
Изоҳ (0)