Швейцария Миллий банки бошқарувчилар кенгаши раиси Томас Жордан иқтисодий ҳамкорлик доирасида Ўзбекистонга келди. Бу ҳақда «Anons.uz» хабар бермоқда.
Марказий банкдаги учрашув давомида Швейцария делегацияси мамлакатдаги макроиқтисодий вазият ва банк-молия тизимида ўтказилаётган ислоҳотлар, жумладан, инвестиция муҳитини яхшилаш ва банк тизими барқарорлигини таъминлаш бўйича кўрилаётган чоралар билан танишди.
Томас Жордан Марказий банкнинг валюта сиёсатини либераллаштириш бўйича ҳаракатларини қўллаб-қувватлаш истагини билдирди. Ўзбекистон банклар ассоциациясида МБ ва тижорат банклари ходимлари учун «Швейцариянинг иқтисодий имкониятлари ва монетар сиёсати» мавзусида маъруза қилди.
Шунингдек, Швейцария делегациясининг Ўзбекистон ҳукумати аъзолари ва Олий Мажлис Сенати раҳбарияти билан учрашувлари ўтказилди.
Изоҳ (0)