Shveysariya Milliy banki boshqaruvchilar kengashi raisi Tomas Jordan iqtisodiy hamkorlik doirasida O‘zbekistonga keldi. Bu haqda “Anons.uz” xabar bermoqda.
Markaziy bankdagi uchrashuv davomida Shveysariya delegatsiyasi mamlakatdagi makroiqtisodiy vaziyat va bank-moliya tizimida o‘tkazilayotgan islohotlar, jumladan, investitsiya muhitini yaxshilash va bank tizimi barqarorligini ta’minlash bo‘yicha ko‘rilayotgan choralar bilan tanishdi.
Tomas Jordan Markaziy bankning valyuta siyosatini liberallashtirish bo‘yicha harakatlarini qo‘llab-quvvatlash istagini bildirdi. O‘zbekiston banklar assotsiatsiyasida MB va tijorat banklari xodimlari uchun “Shveysariyaning iqtisodiy imkoniyatlari va monetar siyosati” mavzusida ma’ruza qildi.
Shuningdek, Shveysariya delegatsiyasining O‘zbekiston hukumati a’zolari va Oliy Majlis Senati rahbariyati bilan uchrashuvlari o‘tkazildi.
Izoh (0)