Норвегияда молия вазирлиги бир ой давомида асосий солиқларга қўшимча атиги 1325 доллар ихтиёрий солиқ тўплашга эришди. Бу ҳақда «Сноб» хабар бермоқда.
Ихтиёрий солиқларни жорий этиш таклифи ҳукмрон партия ва бош вазир Эрна Сульбергдан чиқди. Мамлакатда қўшимча қиймат солиғи 25 фоизни ташкил этади, даромад солиғи эса 46,7 фоизга етиши мумкин.
Расмийлар мамлакат даромадининг асосий манбаи бўлган нефть нархи пасайгани сабабли солиқ юкини камайтирди. Мухолифат эса ҳукуматни танқид қилиб, солиқларнинг пасайтирилиши бойларга ёрдам бериши ва жамиятдаги нотенгликни кучайтиришини билдирди.
Шундан сўнг бош вазир 1 июндан қўшимча ихтиёрий солиқни жорий этган ва норвегияликлар мажбурий солиқдан ташқари қанча ортиқ тўлашлари ўзларига ҳавола этилганди.
Изоҳ (0)