Янгийўл тумани «Сувоқава» ДУК назоратчилари 1985 йилда туғилган Х.З. ва 1984 йилда туғилган З.Р. фирибгарлик йўли билан пора олаётган вақтда қўлга олинди. Бу ҳақда Тошкент вилояти ИИБ маълум қилди.
Икки фуқаро Янгийўл туманида яшовчи, «Бахтиёр—Гулчеҳра Мевалари» фермер хўжалиги раҳбари 1956 йилда.туғилган Б.Х.нинг ишончини суиистеъмол қилиб, «ер майдонида сувдан нотўғри фойдаланганлиги натижасида вужудга келган 32,3 миллион сўмлик ҳисоб-китоб бўйича тузилган далолатномани йўқ қилиб берамиз», деб алдаган.
«Сувоқава» назоратчилари фермердан «жаримани йўқ қилиш» учун 3,5 миллион сўмни пора тариқасида олаётган вақтда прокуратура ходимлари томонидан қўлга олинган.
Изоҳ (0)