АҚШ Суриядаги Шайрат авиабазасига ҳужум уюштириш учун кема ва самолётларини жанговар марраларда жойлаштирди, бироқ ҳозирча зарба беришни режалаштирмаган. Бу ҳақда CNN манбаларига таяниб, «ТАСС» хабар бермоқда.
Телеканалга кўра, АҚШ Суриядаги авиабазани куну тун кузатмоқда. Вашингтон у ердан кимёвий ҳужум амалга оширилиши мумкин деб ҳисобламоқда.
Оқ уй бунга жавоб беришни ваъда қилган. Бироқ аэродромда охирги пайтларда шубҳали фаоллик кузатилмагани билдирилмоқда.
CNN аниқлик киритишича, Оқ уйнинг таҳдидли баёнотларига гўё Шайрат базасига кимёвий моддалар бўлган ҳаво кемалари ва контейнерлар келтирилгани ҳақидаги разведка маълумотлари сабаб бўлган.
Эслатиб ўтамиз, АҚШ шу йил апрель ойида мазкур авиабазага ракета зарбалари берганди.
Изоҳ (0)