Тошкентнинг Мирзо Улуғбек туманида уйида фоҳишахона сақлаган шахс ушланди. Бу ҳақда Тошкент шаҳар ИИББ сайти маълум қилди.
2017 йилнинг 24 июнь куни тахминан соат 20:00 ларда ўтказилган «Орият» тадбири давомида, Равил Васякин (исми ўзгартирилган) Мирзо Улуғбек тумани ҳудудида жойлашган хонадонда фоҳишахона сақлаб, 24 000 сўм пул эвазига фуқароларга жинсий алоқа қилишлари учун шароит яратиб берганлиги аниқланган.
Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иш қўзғатилиб, тергов ҳаракатлари олиб борилмоқда.
Изоҳ (0)