27 июнь, сешанба куни Facebook ижтимоий тармоғи фойдаланувчиси Илҳам Сайманов Тошкент—Нукус рейси орқали учадиган самолётга чипта сотувчиларини танқид қилди, дея «KRuz.uz» хабар берган эди.
Бугун, 28 май куни «Ўзбекистон ҳаво йўллари» МАК Бош директори Валерий Тян, тижорат департаменти директори Дилшод Йўлдошев, авиакомпания масъул ходимлари ҳамда матбуот хизмати бошчилигида ОАВ билан юқоридаги масала юзасидан йиғилиш бўлиб ўтди.
Унда фуқаро Илҳам Саймановнинг норозилиги мутлақо ўринсиз эканлиги, у авиакомпания ва авиапарвозлар ҳақида етарлича маълумотга эга эмаслиги ҳақида тушунтиришлар бериб ўтилди.
«Ил-114» самолётида 52 та ўриндиқ бор, лекин парвоз яхши амалга ошиши ҳамда қўниш ижобий бўлиши учун меёрда кўрсатилган вазн кўрсаткичлари бор. Бунда ҳаво ҳарорати ҳам рол ўйнайди. Ҳар бир одамнинг оғирлиги ўртача 100 килограмм бўладиган бўлса, бу 5,2 тонна демакдир. Илҳам Сайманов учган самолётда эса ўша куни 4 тоннагача оғирлик кўтариш чегараси белгиланган эди. Бу 40 та ўриндиққа йўловчи олиниши керак дегани. Шундан 16 та ўриндиқ турли шошилинч вазиятлар учун брон қилинади. Улар парвозга икки соат қолгунга қадар банд қилинади. 40 та чиптадан 30 таси сотилган. Самолёт бортида эса 24 йўловчи бўлган, чипта олганларнинг 6 нафари парвозни амалга ошириш учун келмаган. Бундан бехабар Сайманов эса Facebook’даги саҳифасида ҳиссиётларга берилиб пост қолдирган. Чипталарни сотиб олишда ҳеч қандай таъмагирлик йўқ. Мен ушбу рейсда учган барча йўловчилар билан шахсан гаплашдим, сиз ҳам улар билан алоқага чиқиб чипталарни қай усулда сотиб олганини билишингиз мумкин», — деди тижорат департаменти директори Дилшод Йўлдошев.
Изоҳ (0)