Тошкентнинг «Қозоғистон» кинотеатри олдидаги пиёдалар ўтиш йўлагига ўрнатилган металл тўсиқни синдиришди, деб хабар беради Uz24.
20 июнь, сешанба куни эрталаб ушбу йўлак металл тўсиқлар билан ёпиб қўйилганди, бироқ пиёдалар тўсиқлар оша йўлни кесиб ўтишда давом этган. Кечга бориб тўсиқ синган.
«Қозоғистон» кинотеатри ва Юнусобод тумани ҳокимияти оралиғида жойлашган ўтиш йўлаги бир неча марта пиёдалар иштирокидаги ЙТҲларга сабаб бўлган. Кўпчилик аҳоли ва ҳайдовчилар ушбу йўлакни пухта ўйланмаган ва хавфли деб келган, чунки бу ерда светофор йўқ, фақатгина огоҳлантирувчи белгилар ҳамда ҳайдовчилар йўловчиларни ўтказиб юборишар эди.
Ушбу ёпиқ йўлак ёнида, яъни «Минор» метроси яқинидаги чорраҳада 3 дақиқада етиб борса бўладиган бошқа пиёдалар йўлаги мавжуд.
Изоҳ (0)