Миршод Қурбонов Вазирлар Маҳкамаси ҳузуридаги Давлат захираларини бошқариш қўмитаси раиси лавозимига тайинланди.
Ҳукумат порталида келтирилган ахборотга кўра, Ўзбекистон Президенти бу ҳақдаги фармонни 20 июнь куни имзолаган.
Миршод Қурбонов бунгача қўмита раиси ўринбосари лавозимида ишлаб келаётган эди. Қўмитага 2016 йил 5 январидан бери Маҳаматносир Қодиров раҳбарлик қилаётган эди.
Давлат захираларини бошқариш қўмитаси 2004 йилда ташкил этилган бўлиб, давлат стратегик ва сафарбарлик захираларини шакллантириш, сақлаш ва захираларга хизмат кўрсатишни бошқариш ва назорат қилишни таъминлаш соҳасидаги вазифаларни ҳал этиш учун махсус вакил қилинган давлат бошқаруви органи ҳисобланади.
Изоҳ (0)