Оливер Стоуннинг «Путин» сериалида Россия президенти режиссёрга «рус авиациясининг Суриядаги фаолияти» акс этган видеони кўрсатади, деб хабар бермоқда Meduza.
Видеонинг кичик бир қисми трейлерда ҳам акс этган. Сериалнинг тўлиқ кўринишида эса бу лавҳа 49:10 дақиқада намойиш этилади.
Аслида эса Путин Стоунга кўрсатган видеода Американинг «Апачи» вертолёти Афғонистонда «Толибон» жангариларини ўққа тутаётгани тасвирланган. Видеонинг оригинали «military.com» расмий сайтида эълон қилинган.
Айни вақтда, Путин кўрсатган асли америкаликларга тегишли видеога учувчиларнинг рус тилидаги мулоқот овози қўйилган. Тахминларга кўра, бу овозлар ҳам аслида Донбассдаги жанговар ҳаракатларда қатнашган украиналик учувчиларнинг парвоздаги музокараларидир.
YouTube’да рус тилидаги мулоқот овози ёзилган Америка видеоси бор. Путин ҳам, эҳтимол, айнан шу видеони Стоунга кўрсатган бўлиши мумкин.
CIT тадқиқот ташкилоти эса Стоунга кўрсатилган ва «Апачи» ёрдамида олинган кадрларни бир-бирига таққослади.
Кадры «работы ВКС РФ против ИГ», которые Путин показывал Оливеру Стоуну, взяты из американского видео 2013 года, снятого в Афганистане pic.twitter.com/3qKNxjgCE2
— CIT (@CITeam_ru) June 20, 2017
Владимир Путин режиссёр Оливер Стоунга видеоёзувни кўрсатадиган саҳна «Путин» сериалининг учинчи қисмидан жой олган. Сериалнинг бу қисми Россия Биринчи канали орқали 21 июнь куни намойиш этилади.
Изоҳ (0)