19 ёшли Суриялик қиз Музун Алмиллихон БМТ Болалар фондининг энг ёш тинчлик элчиси ва мазкур лавозимга тайинланган қочоқ мақомидаги дунёдаги биринчи одам бўлди. Бу ҳақда «Интерфакс» хабар бермоқда.
«Музуннинг жасурлиги ва матонати барчамизга кўтаринкилик бахш этади. Биз у энди ЮНИСЕФ элчиси бўлишидан жуда фахрланамиз», — таъкидлади фонд ижрочи директори ўринбосари Жастин Форсит.
Алмиллихон 2013 йилда оиласи билан Суриядан Иорданияга қочган ва бир неча йил Заатари қочоқлар лагерида истиқомат қилганди. Шу ерда қизларнинг таълим олишга бўлган ҳуқуқини ҳимоя этувчи чиқишлар қила бошлади.
ЮНИСЕФ Иорданиядаги Суриялик фаол қизни қўллаб-қуватлади. Кейинчалик у Буюк Британияга кўчиб ўтди ва фаолиятини давом эттирди.
Изоҳ (0)