19 июнь, душанба куни Таиланд жанубидаги Паттани провинциясида ҳарбий хизматчилар ўтирган автомобиль портлаши натижасида беш киши ҳалок бўлди, яна тўрт киши яраланди. Бу ҳақда маҳаллий полицияга таяниб, «ТАСС» хабар берди.
Ҳуқуқ-тартибот органлари маълумотларига кўра, йўл яқинига ўрнатилган портловчи қурилма маҳаллий вақт билан 11:45 (Тошкент вақти билан 09:45)да, у ердан Таиланд қуруқлик қўшинлари ҳарбий хизматчилари ўтирган автомобиль ўтаётган вақтда ишлаб кетган.
Дастлабки версияга кўра, ҳужум қиролликнинг ушбу ҳудудида фаолият олиб борувчи экстремист айирмачилар томонидан ташкил қилинган бўлиши мумкин.
Таиланд жанубидаги Паттани, Яла ва Наратхиват провинцияларида махсус хавфсизлик режими амал қилади. Бу ерда ҳудудда мустақил султонлик яратишга эришмоқчи бўлаётган айирмачилар 11 йилдан буён ҳукумат билан фуқаролар урушини олиб бормоқда.
Изоҳ (0)