Ватиканда чоп этиладиган Il Mio Рара насроний-католик нашрида «Ўзбекистонни зиёрат этиш: қадимги савдогарлар Буюк ипак йўли бўйлаб юрган манзилларга» деб номланган ва мамлакатга 20—27 июнь оралиғида ташриф буюриш таклиф этилган реклама хабари чоп этилди. Бу ҳақда Туризмни ривожлантириш давлат қўмитаси матбуот ҳизмати маълум қилди.
Журнал ҳар ҳафта 100 минг нусхада Европа ва Лотин Америкасида тарқатилади.
Мазкур сафар насроний дини обидаларини зиёрат қилишга ихтисослашган Ватиканнинг етакчи туроператори Opera Romana Pellegrinaggi томонидан уюштирилмоқда. Ўзбекистон йўналиши ORP каталогига 10 йилдан бери киритилмоқда.
Жорий йил 5—12 сентябрь кунлари ORP Тошкент —Урганч —Хива —Қизилқум—Бухоро—Шаҳрисабз —Самарқанд —Тошкент йўналиши бўйлаб иккинчи турни ҳам ташкиллаш мўлжалланган.
Туроператор сайтида Ўзбекистон насронийлик ва яҳудийлик динлари билан боғлиқ кўплаб диний обидалар мавжуд, турли конфессия вакиллари неча асрлардан бери тотув яшаб келаётган давлат эканлиги маълум қилинган.
Изоҳ (0)