Трамп: Етти ойлик терговдан сўнг Россия билан алоқаларимни ҳеч ким исботлай олмади

АҚШ президенти Дональд Трамп Конгресснинг икки палатасидаги турли қўмиталарда ўтган эшитувлар, тергов ва суриштирувлар унга нисбатан илгари сурилган Россия билан алоқалар ҳақидаги айбловларни исботлаб бера олмаганини таъкидлади. Бу ҳақда у Twitter’даги саҳифаси орқали маълум қилди, деб хабар беради «ТАСС».

«Менинг ‘руслар билан тил бириктиришим’ борасидаги етти ойлик суриштирув ва эшитувлардан сўнг ҳеч ким бирорта бўлса ҳам далил келтира олмади. Ачинарли!» — деб ёзди президент.

https://twitter.com/realDonaldTrump/status/875682853585129472

Федерал қидирув бюроси Россия АҚШдаги 2016 йилги президент сайловига аралашгани борасидаги тахминларни етти ойдан буён текшириб келади.