Биринчи бўлиб, Мелания Трампнинг албатта ташқи кўриниши кўзга ташланади. Ўзининг 47 ёшида АҚШ биринчи хонимининг юз териси ҳаддан ташқари ажойиб ва соғлом бўлиб кўринади. Биз сизни Мелания Трампнинг гўзаллик борасидаги бир неча сирлари билан таништирамиз.
Юз терисини диққат билан парвариш қилади. Мелания Трамп эрталаб ва кечқурун юз терисини таркибида гиалурон кислотаси бўлган озиқлантирувчи кремлар ёрдамида эътибор билан тозалайди ва намлантиради. Ҳар доим кўриниш яхши бўлиши учун, Мелания организмнинг сув балансига эътибор беришни ва керакли миқдорда сув ичишни тавсия қилади.
Соғлом овқатланишга риоя қилади. Мелания Трамп ўз таомномасига ҳар доим антиоксидантларга бой кўплаб сабзавотлар ва мевалар қўшади. Айнан шу озиқ-овқатлар туфайли унинг териси ҳар доим соғлом ва тетик кўринади.
Ҳар куни смузи истеъмол қилади. Меланиянинг таъкидлашича, ҳар куни исмалоқли смузи, сельдерей, банан, йогурт, малина ва омега-3 истеъмол қилиш – соғлом терининг гарови ҳисобланади.
Шунингдек, унинг сипо ва ораста кундалик макияжига ҳам эътибор бериш лозим. Мелания Трампнинг ҳар куни макияж қилишда афзал кўрадиган ўз усуллари бор:
Ялтирамайдиган юз териси. Мелания Трамп юз терисининг ялтирамаслигини маъқул кўради, шунинг учун унинг пардоз-андоз буюмлари ичида ҳар доим тонал асослар ва упалар кўринишидаги ялтирамайдиган воситалар бўлади.
Кўзларга урғу бериш. Ўзининг кундалик макияжида Мелания қора, кулранг ёки жигарранг тонлардан фойдаланиб, кўкиш тенлар суришни маъқул кўради.
Манба: Cosmopolitan
Изоҳ (0)